Wel net soos baie ander kampeerders en hengelaars, werk ons hard om bietjie weg te breek vir 'n ruskansie. Alles word so toegesluit in die stad lewe, al wat jy wil doen is ontspan en nie bekommerd wees. My vriend het 'n week voor die tyd gaan uitvind of Buffelspoort hengel area baie vol gaan wees en moet hy bespreek vir die naweek, vir hom was gesê dis nie nodig om te bespreek en dat daar sekuriteit ook is, dit het hom ook baie meer gerus laat voel.

Die insident het die naweek van die 30 April 2008 gebeur. Hy het die hele Dinsdag gewerk en die nag om Woensdag ogged vroeg by Buffelspoort dam se hengel area te wees. Ek het Woensdag middag van die 'wonderlike' Gauteng gery om saam die naweek te kom geniet.

Woensdag aand het ons alles buite gelos want dis mos wat kampeerders doen. Donderdag-aand het dit bietjie gereën en ons het die los goedjies binne in die tent gedra. Die tent was toe gerits en daar het ons gesit en gesels en eet.

Ek wil ook noem dat ons seker is dat ons vergas was. Woensdag het my vriend nog niks geslaap van die vorige dag deurdat hy deurnag gewerk het, sy wekker was nog gestel vir 03h20 want dit is hoe laat hy opstaan om te gaan werk in die oggend. Hy het dadelik Donderdag oggend opgestaan toe dit gelui het. Maar die volgende oggend, kon nie ek of hy opkom om die wekker af te sit. Ek was al wakker van 2 uur oordat ek baie naar was en toilet toe wil gaan en eers teen 5 uur het ek vir hom wakker gemaak en gevra ek moet opstaan want die natuur roep al vir lank. Dis toe dat ons agterkom iets is fout, hy het my dadelik gevra hoekom is die gedeelte waar ons slaap se rits oop en toe ons buite kom is die tent geskeur en oopgemaak.
Ons het dadelik geweet daar is iets fout. 2 Gasbottels was weg met lamp en stoofplaatjie, Koeler bokse met kos Koeldranke en drinkgoed vir die naweek asook die braai, hout het voete gekry, sowel as baadjies wat in die tent gelê het. Die kar is ook leeggemaak met sy beursie, werksak met sleutels en gereedskap, ekstra slaapsakke in kar vir die kinders wat sou kom kuier het.

Die kampeerders langs ons was ook beroof dieselfde aand en hulle het soorgelyke skade gehad, die man het nie eens skoene gehad om aan te trek nie.

Ons het dadelik die bestuur gebel dit was ongeveer 06h00 maar geen antwoord gekry. Ons het toe na die hek gery waar ons die sekuriteit gekry het om hulle in die hande te kry. Die polisie is blykbaar eers 07h20 deur hulle gekontak, en natuurlik hulle het eers teen 11h00 opgedaag, waarby ons al klaar op pad huis toe is.

Tot vandag toe het die bestuur nog nie ons gekontak om te hoor of ons ok is nie. Die sekuriteit het daar opgedaag (ons noem hulle die Rambo mense, want hulle was so aangetrek, maar het meer na mans modelle gelyk en geruik met hulle aftershaves en 'snassy' arm horlosies) Hulle wou nie vir ons sê waar die wag was wat op diens was nie, blykbaar moet hy aan die hek rapporteer elke uur via radio. Nou volgens my moet dit mos op skrif gesit word.

Die rambo manne is toe op pad om te gaan spoorsny, waarby hulle 'n paar stukkies papier gekry het wat in die beursie was. Ons buurman het darem die bestuurslisensie gevind.

Die skelms sit in die bos en hou die mense dop (daar is as van die vuur daar gekry) besteel hulle en gaan deur draad langs die pad wat daar loop.

Ons het natuurlik al ons geld gaan terug eis. Terwyl ons daarvoor gewag het, het daar besoekers gekom en die man het gesê 'Ek hoor daar was weer mense besteel gisteraand' ............... So dit wil vir my sê dit is nie die eerste keer nie.

Nou vra ek die vraag hoekom doen die bestuur nie ekstra moeite met die sekuriteit nie?

Baie dankie dat ons ons storie met julle kon deel.

Lekker dag

Susan

NS: Ek verstaan van kampeerders wat nog 'n aand gebly het, dat daar weer mense beroof is die aand daarna (Vrydag-aand) en dit nadat die sekuriteit maatskappy (Granite Sekuriteit) verseker het dat hulle meer mense aan diens gaan sit. Ons sal definitief nie weer soontoe gaan nie. Gelukkig is daar baie ander plekke, my vriend het net gedink ons ondersteun die area waar hy bly. -